当前位置:17微号网www.17wh.com > 八卦精 >

喜事连连!周柏豪百万婚礼秘娶8年女友,岑丽香秘飞温哥华下月嫁人!

发布时间:2016-11-30 21:00浏览次数:100Tags:HKChannel

32岁周柏豪布吉秘婚震撼全城!不过原来佢结婚呢单嘢并唔算嚟得突然,皆因佢喺2014年已经露咗口风,当时佢喺叱咤颁奖礼度连中三元,佢第三度上台时,就喺台上发表「爱的宣言」,虽然冇指明系女友Stephanie,但好明显系向女友派定心丸,当时佢嗰番说话系咁嘅:「感谢你陪我一齐成长,经过好多难关,我会跑快一点,跑到我们的终点,我爱你,多谢你的耐性。」

之后,佢仲直认结婚就系佢嘅终点:「我嘅目标系照顾身边人。」只系当时,佢系话未知道几时会结婚。但好明显以结婚做大前提嘅佢,同年年尾再同记者讲起结婚话题嗰阵,就讲到明储紧钱,又话人生计划呢方面已经同另一半有晒共识。

而性格同外型一样型爆嘅周柏豪,仲话到明想婚后担起成头家:「如果结婚,我都想佢唔使做,得闲扮吓靓凑吓细路咪好囉!」真系Man到不得了。

之后2015年年尾,周柏豪仲开到声话好锺意小朋友,因为佢觉得咁样先系一个美好家庭。不过睇番佢呢几年嘅访问,佢都冇讲明结婚会公开,所以佢低调咁结婚,绝对不足为奇。

同圈外女友Stephanie拍拖十年嘅佢,原来已经静静鸡喺泰国布吉结咗婚,据知周柏豪好友连诗雅都有喺婚礼现场。虽然唔张扬,但唔代表「求其」,佢哋喺一间五星级酒店Aleenta Phuket Resort入面嘅一个靓沙滩度,举行咗一个好浪漫嘅婚礼。


在一大班亲友嘅见证下,柏豪同新娘子进行神圣嘅仪式,虽然现场好大风,但依然无损一对新人嘅雅兴。喺仪式进行前紧张到磨拳擦掌嘅柏豪,完成仪式后,好肉紧咁一拥老婆入怀,嗰种烟靭,真系羡煞旁人呀!

周柏豪就结婚一事回应说:「感谢关心,我俩收到很多祝福和问候,而我一直也尽力去保护家人和朋友,好让他们的生活尽量不被我而影响,感谢他们的体谅和支持。也感谢这十年来她对我的照顾和忍耐,那天的日落是我看过最好的,谢谢」。

恭喜晒周生周太!之前柏豪话过,想有能力先至结婚,因为自己系一家之主,「我锺意照顾人,希望好似救世主咁,等身边人唔使烦。」仲话希望太太婚后可以专心照顾家庭,唔想佢做嘢。

娱乐圈喜事连连,除了男神周柏豪结婚,据悉今年同样32岁嘅香香,原来同金融才俊强强感情已经进入大直路,上年年尾强强向香香求婚,女神爽快答应了,据报道讲香香已向无线申请放大假,前日(28日)下昼飞咗温哥华,同男友强强筹备婚礼。

对于婚礼举行嘅日子,据报道所讲,会安排喺下个月初举行,香香只会请最close嘅亲友观礼,所以佢嘅朋友同家人已经陆续收到请柬。不过香香同强强都系鬼仔鬼妹性格,只会简单签纸行礼,未有打算将婚礼大搞。

大台「处女党」成员一个接一个成为人妻,最先嫁人嘅系李亚男、之后嘅锺嘉欣连女都生埋,嚟紧就到王君馨,接着香香也定了嫁期,数数吓,「处女党」成员只剩下番苟芸慧仍未有嫁期。

下个月仲有佢——现年34岁、拥33C身材嘅宅男女神孙慧雪同富二代男友Edwin Lo喺愉景湾举行婚礼,两人亦早于今年8月31日入纸排期注册结婚,仲拍拖拖行铜锣湾名店拣婚戒,恭喜晒!

据可靠消息透露,除了会在愉景湾行礼,还会在那边的酒店摆酒。不过由于雪雪份人好低调,所以消息指不是请了很多人,而且还严禁受邀者将消息外扬,因为她不想有记者来打扰婚礼。

喜事连连,祝大家都幸福!

☞转载授权微信:lama129

☞ 商务QQ:1900556960

☞投稿邮箱:tghkchannel@163.com

可能感兴趣

我要评论

猜你喜欢